(Zugang zu CDLI: P285326; eBL: VAT.8881) <  >

Bruchstück einer einkolumnigen Tafel mit Rezepten zur Heilung von Frauenkrankheiten.

Parallelstellen: 

Vgl. Ebeling KAR 195
Vgl. auch Scurlock (2014), Sourcebook: S. 608 ff.

---

Vs.

1'. [x x] ^u2x [...]

---

2'. [DIŠ] ⸢KI⸣.MIN ⸢SI DARA₃^!⸣.[MAŠ ...]
3'. DIŠ-niš ta-sak₃ [...]

---

4'. DIŠ MUNUS PEŠ₄-ma ⸢ŠA₃.MEŠ⸣-[ša₂^? ...]
5'. ZA₃.ḪI.LI ta-ma-⸢raq⸣ [...]

---

6'. GEŠTIN SUR.RA KAŠ KALAG.GA ⸢NAG⸣ [...]
7'. it-ti qi₂-lip₂ ZU₂.LUM.MA ina I₃.UDU ⸢ta-x⸣ [...]
8'. za-mar ⸢x x⸣ ši-i SA₂ i-tab-ba-ka A GAZI^sar ⸢KA₂ ŠA₃.TUR₃-ša₂⸣ [ŠEŠ]
9'. saḫ-le-e ina I₃.UDU ḪI.ḪI ana ŠA₃.TUR₃-ša₂ GAR-ma kal U₄-me u₂-⸢kal^?⸣

---

10'. a-nu-u₂ ša₂ pi-i ṭup-⸢pi⸣

---

11'. ta-ḫap-ša₂ la-bi-ra it-ti gu-un-ni li-taḫ-ḫi-ḫu-ma pur-qa liš-ši
12'. mu-un-da ša₂ GU₂.TUR ^šimḪAB ina GA li-taḫ-ḫi-ḫu-ma pur-qa liš-ši
13'. mu-ṣip-ti la-bir-ta ina GA li-taḫ-ḫi-ḫu-ma pur-qa liš-ši
14'. gul-gul NAM.LU₂.U₁₉.LU ina DE₃ li-ir-ri-<ru>-ma ina ^sig2pu-šik-ki liš-ši
15'. EN ina ṭe₃-mi-ša₂ ⸢iṭ-ṭi-ra di^?-u₂^?⸣ [di-lip]-⸢tu₄^?⸣ ana^? muḫ-ḫi la i-qar-ru-ub

---

16'. a-gan-nu-u₂ ša₂ šum-ʾu-ut-tu

---

17'. DIŠ MUNUS U₃.TU-ma e-la-an u₂-ri-ša₂ u₂-sa-ḫal-ši em-ša-ša TAG.MEŠ-ši
18'. MUNUS BI ni-ra DAB-si e-ra-a ša₂ DIDA₂ baḫ-ru-su LA₂-si EME UR.GI₇
19'. GEŠTIN KA₅.A SUD₂ ina KAŠ ŠEG₆-šal ta-ša₂-ḫal ana GAL₄.LA-ša₂ ta-ak(a)-ra ^u2IGI-lim ina GEŠTIN NAG-ši

---

20'. DIŠ MUNUS IM iš-biṭ-ma ma-lit u₃ SU-ša₂ KUR₂.KUR₂ ana TI-ša₂ ^gišGUR₂.GUR₂ GAZI^{sar u2}KUR.RA
21'. ^šimLI ^u2ḪAR.ḪAR ^u2NU.LUḪ.ḪA saḫ-le₂-e NUMUN GADA u₂ a-ši-e ^šimḪAB
22'. U₂ BABBAR 11 U₂.ḪI.A ŠEŠ ina KAŠ SAG u I₃ ŠEG₆-šal IL₂-ma ina-eš

---

23'. DIŠ KI.MIN ^gišḫa-šu-u ^u2NU.LUḪ.ḪA ^gišŠE.NA₂.A ZU₂.LUM.MA ^u2a-ṣu₂-ṣi-im-tu
24'. 5 U₂ an-nu-ti ina KAŠ SAG ŠEG₆-šal ana ŠA₃.TUR₃-ša₂ DUB

---

25'. DIŠ MUNUS U₃.TU-ma IM ud-du-pat ^u2GUR₂.GUR₂ ^gišLI SUD₂ ina DIDA₂ SIG ḪI.ḪI e-ma GAL₄.LA-ša₂ LA₂-ma ina-eš

---

26'. DIŠ MUNUS U₃.TU-ma ṣe-em-rat u IM ud-du-pat SAHAR ^urudaNIG₂.KALAG.GA tu-še-ṣe-en-ši-ma ina-eš

---

27'. DIŠ KI.MIN ^šimLI SUD₂ ina KAŠ SAG NAG-ši-ma ina-eš

---

28'. DIŠ MUNUS eʾ-re-et-ma u IM ud-du-pat DIM₁₀.ME DAB SAḪAR ^urudaNIG₂.KALAG.GA-e tu-še-ṣe-en-ši <ina-eš>

---

29'. DIŠ MUNUS U₃.TU-ma SU-ša₂ bir-di DIRI DUR₂-ša₂ ma-qit PA ^gišḪA.LU.UB₂ ina I₃ EŠ ina KAŠ NAG

---

30'. DIŠ MUNUS MIN-ma LI.DUR-sa DU₈-at IR a-la-ka la i-kal-la ^na4PEŠ₄ tur-ar₂ SUD₂ ana IGI ŠUB

---

31'. DIŠ KI.MIN ^u2GIR₂.ḪAB ^u2ŠAKIRA^u2EME UR.GI₇ ^u2ḪAB ^u2SIKIL ḪAD₂.A mal-ma-liš SUD₂
32'. ^na4PEŠ₄ ḪI.ḪI-ma I₃.GIŠ ŠEŠ₂ ana IGI LI.DUR-ša₂ ta-sar₂-raq LA₂-id

---

33'. DIŠ MUNUS MIN-ma ir-ru-ša₂ SI.SA₂. ^gišGUR₂.GUR₂ SUD₂ NINDA.I₃.DE₂.A ZI₃.KUM I₃.NUN GU₇ ir-ru-ša₂ ik-[ka]-⸢ṣa⸣-ru

---

34'. DIŠ MUNUS MIN-ma ri-du-ut ir-ri TUKU ZI₃.KUM ^zi3ZIZ₂.A.AN I₃.UDU ELLAG₂ UDU I₃.UDU GU₄ PEŠ₁₀.⸢^d⸣[ID₂]
35'. ŠE.LU₂^sar SUD₂ KI I₃.UDU tu-sa-maḫ ina DUḪ.LAL₃ ŠUB-ma ŠEG₆-šal GU₇-ši-ma [ina-eš]

---

36'. ⸢DIŠ ^munus⸣ḫa-riš-tu₂ ŠA₃ SI.SA₂ DAB-si NIG₂.AR₃.RA ZIZ₂.A.AN ZU₂.LUM.MA x [...]
37'. [ina] ⸢^dug⸣NIG₂.DUR₂.BUR₃ tara₃-sa₃-an ina ši-mi-tan tu-[...]
38'. NAG-ši-ma [ina-eš]

Rs.

39'. DIŠ MUNUS U₃.TU-ma KUM₂ ir-ri TUKU-ši i-ar₂-ru ŠA₃ ši-[...]
40'. MUD₂ ḫa-riš-ti ša₂ ina ŠA₃-ša₂ it-te-[es]-ke-ru MUNUS BI ina U₃.TU-⸢ša₂⸣ [x x x x x]
41'. ZI₃ ŠE.GIG ZI₃ GAZI^sar ⸢BIL₂⸣.MEŠ ZI₃ ^gišŠE.NU ^šimGUR₂.GUR₂ ^giš⸢LI⸣ [x x x x]
42'. DUḪ.ŠE.GIŠ.I₃ ŠE₁₀ TU^mušen.MEŠ [ina] ^na4NA.ZA₃.ḪI.LI SUD₂ ina ⸢DIDA₂⸣ [ḪI.ḪI NAG-ši-ma ina-eš]

---

43'. DIŠ MIN DIDA SIG ^gišGUR₂.GUR₂ ^gišLI ^šimBULUḪ GAZI^sar BIL₂.MEŠ ^u2NU.LUḪ.⸢ḪA⸣ [x x x SUD₂^?]
44'. saḫ-le₂-e BIL₂.MEŠ bu-ṭu-tu₂ ina ŠA₃ DUB-ak ina I₃ ḪI.ḪI ina TUG₂ šu₂-nu-ti tala₂-pap ana ⸢ŠA₃⸣.[TUR₃-ša₂ GAR-an]
45'. IL₂-ma u₂-kal GIM ši-i i-te-mu pa-gar-ša₂ it-tan-pa-ḫu u₂-na-kar-ma ⸢LAL₃^?⸣ [x x x]
46'. DIŠ-niš tuš-tab-bal ina MUD A.BAR₂ ana pag-ri-ša₂ i-nap-paḫ-ma ina-[eš]

---

47'. DIŠ MIN ^gišGUR₂.GUR₂ ^gišLI GAZI^{sar giš}EREN.SUMUN ^šimMUG ^u2NU.LUḪ.ḪA ^gišMAN.DU ^gišti-ia₂-tu₂
48'. ^šimḪAB ILLU ^šimBULUḪ ^u2AN.DAḪ.ŠUM ^u2šu-un-ḫu ^u2MAŠ.TAB.BA DIDA₂ SIG
49'. DIŠ-niš te-ṭe₄-en ina I₃ ^šimGIR₂ u KAŠ ŠEG₆-šal lip₂-pa tala₂-pap I₃ SUD ana ŠA₃.TUR₃-ša₂ GAR-an

---

50'. DIŠ MIN DABIN GIG ZI₃ GAZI^sar BIL₂.MEŠ ZI₃ ^gišŠE.NA₂.A ^gišLI ^šimBULUḪ ZI₃ ŠE.MUŠ₅ ZI₃ GU₂.GAL
51'. DABIN GU₂.TUR DUḪ.ŠE.GIŠ.I₃ ŠE₁₀ TU^mušen NUMUN GADA ZI₃ ^gišḫa-ru-bi DIDA₂ SIG mal₂-ma-liš ⸢SUD₂⸣ ḪI.ḪI LA₂

---

52'. DIŠ MIN ^u2ḪAR.ḪAR ^u2NU.LUḪ.ḪA ^u2a-ši-e ^gišGUR₂.GUR₂ ^gišLI GAZI^sar U₂ BABBAR NUMUN GADA
53'. DIŠ-niš bil-lu₄ SUD₂ KI DIDA₂ ILLU LI.DUR ina I₃ ŠEG₆-šal ana ŠA₃-TUR₃-ša₂ DUB ina ^sig2AKA₃ NIGIN ina ŠA₃.TUR₃-ša₂ GAR-an

---

54'. DIŠ MIN ^u2a-zu-ki-ra-ni SUD₂ ina I₃ u KAŠ ina ŠA₃.TUR₃^!-ša₂ GAR-an ^gišMAN.DU ^šimBULUḪ ^gišLI KI DIDA₂ ḪI.ḪI MIN

---

55'. DIŠ MIN ^gišGUR₂.GUR₂ ^u2a-ši-e saḫ-le₂-e MUN ^šimḪAB ŠIM.ḪI.A DU₃.A.BI ina KAŠ ḪI.ḪI ⸢NAG⸣-ma ina-eš

---

56'. DIŠ MIN ^gišGUR₂.GUR₂ ^gišLI GAZI^{sar u2}a-ši-e ^šimḪAB ^gišMAN.DU sik-ka-tu₂ DIDA SIG DIŠ-niš ḪI.ḪI
57'. ⸢MUNUS^? IL₂⸣ KAŠ AL.ŠEG₆.GA₂ su₂-un-ša₂ u₂-maš-ša₂-aʾ IL₂-ma ina-eš

---

58'. ^giššu-šum ^gišŠE.NA₂.A ^u2ak-tam GAZI^sar GI DU₁₀ ^gišLUM.ḪA ^gišar-ga₂-nu ina A ŠUB ŠEG₆ ina ŠA₃ RA.MEŠ-si

---

59'. DIŠ MUNUS MIN-ma KUM₂ li-iʾ-ba u tir-ku ina UZU.MEŠ-ša₂ u SA.MEŠ-ša₂ ⸢GAL₂-ši⸣ qer-be₂-nu SI^!.SA^!.⸢MEŠ⸣^?
60'. LUGUD u₂-kal ana šup-šu₂-ḫi ina^! A GAZI^sar ina A ^gišbu-uṭ-na-nu RA.MEŠ

---

61'. A.GAR.GAR ša IGI MU.AN.NA ina NINDU UŠ₂-ir RA-si I₃ u KAŠ ana ŠA₃.TUR₃-ša₂ DUB-ak
62'. 1 SILA₃ ZI₃ ^giššu-še 1 SILA₃ ZI₃ DUḪ.ŠE.GIŠ.I₃ 1 SILA₃ ZI₃ MUNU₆ 1 SILA₃ ZI₃ ^gišGUR₂.GUR₂ 1 SILA₃ ^šimLI
63'. ina A GAZI^sar SILA₁₁-aš ina ZI₃.SUR-ri tu-kaṣ₃-ṣa ina ruq-qi₂ LA₂-id

---

64'. DIŠ KI.MIN GA GA.RAŠ^sar tu-kaṣ₃-ṣa-ma EŠ-aš ana ŠA₃.TUR₃-ša₂ GAR-an

---

65'. DIŠ MUNUS MIN-ma ⸢qer^?-bi-ša₂^?⸣ SIG₃.SIG₃-si qer-be₂-nu LUGUD TUKU GAZI^{sar giš}GUR₂.GUR₂ BIL₂ ZA₃.ḪI.LA SUD₂ ḪI.ḪI ALLA DU₃ ana ŠA₃.TUR₃-ša₂ GAR-an
66'. ^u2ḪAR.ḪAR ⸢^u2⸣[x x] ⸢I₃⸣.UDU UKUŠ₂.ḪAB ḪAD₂.DU SUD₂ ina I₃ u KAŠ NAG-ši

---

67'. DIŠ MUNUS MIN-ma qer-bi-⸢sa⸣ [SIG₃.SIG₃-si^? ḫa-an]-⸢ṣa⸣-tu-ša₂ ik-te-ner-ra-a MUNUS BI A tur-re-ti GAR
68'. ^u2GUR₅.UŠ SIG₇-[su] ⸢SUD₂⸣ ina ⸢^sig2AKA₃ NIGIN-mi⸣ ana ŠA₃.TUR₃-ša₂ GAR-an

---

69'. DIŠ MUNUS qer-bi-sa ri-ḫu-tu₂ im-hur-ma IBILA ⸢mu-tir^?⸣ gi-mil-li ⸢TUKU^?⸣

---

70'. DIŠ MUNUS qer-bi-sa ri-ḫu-tu₂ im-ḫur-ma NU U₃.TU šib-sat DINGIR NU DU₁₀-ub [ŠA₃-bi]

---

71'. DIŠ MUNUS ⸢ina ŠA₃⸣ TUKU-at ka-la-a la i-le-ʾe-e ana MUNUS nu-uḫ-ḫi GIR₃.PAD.DA ⸢GID₂⸣.[DA]
72'. ^munusAŠ₂.GAR₃ GIŠ₃ NU.ZU ki-la-la-⸢an⸣ [tur-ar₂^?] ⸢NIG₂^?⸣.AR₃.RA ina A ta-maḫ-ḫa-⸢aṣ⸣
73'. GIR₃.PAD.DU GID₂.DA šu₂-nu-ti ina ŠA₃-⸢bi⸣ [...] ⸢x x⸣ [...]
74'. ina GAL₄.LA-ša₂ GAR-an tu-⸢ul^?⸣-[...]

---

75'. ^u2ku-li-⸢x x⸣ [...]
76'. ^u2[...]

---

Senden Sie uns Ihre Korrekturen